Efa fanaon’ny solombavambahoaka Vololona Raherisoa lany teny amin’ny boribory tany faha enina tamin’ny alalan’ny MAPAR ny manao tatitra amin’ny vahoaka nifidy azy rehefa vita ny fivoriana teny amin’ny Antenimierampirenena. Continuer la lecture
Catégorie Actus
HETSIKY NY MAPAR SY TIM: Manetry ny fahefan’ny prefet
Na dia mahazo fahazoan-dalana avy any amin’ny kaominina an’Antananarivo renivohitra aza ny hetsika ataon’ireo solombavambahoaka MAPAR sy TIM, ny prefektioran’ny polisy no tompon-teny farany. Manam-pikasana hamory vahoaka eo amin’ny Lapan’ny Tanàna Analakely ireto solombavambahoaka tsy nandray anjara tamin’ny fifidianana ny lalàna fehizoro momba ny fifidianana ireto, amin’ny sabotsy 21 aprily 2018 ho avy izao. Hanao tatitra momba ny fandaniana io lalàna io no anton’ny hetsika. Tsy mbola nampahafantarina momba ny hetsika sy naharay taratasy fangatahana hanao izany ny eo anivon’ny prefektioran’ny polisy hatramin’ny omaly 17 aprily 2018, nanaovany valan-dresaka tamin’ny mpanao gazety.
Mihevitra ireo solombavambahoaka fa voalazan’ny lalam-panorenana ny fanaovana tatitra amin’ny vahoaka. Noho izany, tsy ilaina akory ny fangatahana fahazoan-dalana. Nilaza kosa anefa ny prefet, Angelo Christian Ravelonarivo fa manao tsinontsinona ny fahefany sy ny maha izy izany. Noho izany, tsy manaiky ny famoriam-bahoaka ataon’ireo solombavambahoaka ny eo anivon’ny prefektioran’ny polisy. Nanapa-kevitra ihany ireo solombavambahoaka taorian’ny valan-dresaka naaon’ny prefet ka nanatitra taratasy fampahafantarana ny hetsika.
Lynda A.
Boana Jean Pierre (AV7) : Rako-pantsy ny TIM-MAPAR
« Manao tsinontsinona ny rà latsaka sy aina nafoy teo Antaninarenina tamin’ny 7 febroary 2009 ny fivondronan’ireo solombavambahoaka MAPAR sy ny TIM », hoy ny mpitarika ny AV7, Boana Jean Pierre. Continuer la lecture
VAZAHA “MITENY GASY”: Fampiharana ihany no hahaizana ny teny
Teratany vahiny i Hansen Payton kanefa mahafehy ny teny Malagasy. Mahay manoratra amin’ny teny gasy ihany koa izy. Hasina no fiantsoana azy satria mitovitovy fanononana ny anarany Hansen izany. Continuer la lecture
FAHASIMBAN’NY TONTOLO IAINANA : Anisany ny fomba fambolena.
Manao izay ho afany ny rehetra amin’ny tokony hiarovana ny tontolo iainana izay efa tandindon-doza ankehitriny. Nanatanteraka andro amin’ny fomba fambolena maharitra na « Agro-écologiques » ny GSDM sy ireo mpiara-miombon’antoka ny 12 sy 13 Aprily 2018 lasa teo tany Antsirabe. Continuer la lecture
SEKOLIM-PANJAKANA: Mpianatra 11 taona, manao firaisana ara-nofo sahady
Noborahin’ny mpampianatra nandritra ny « conseil de classe » tamin’ny ray aman-drenin’ilay zaza fa manao firaisana ara-nofo sahady ny zanany. Continuer la lecture
KAOMININA IMERINTSIATOSIKA: Ivon’ny fampandrosoana ny mponina
Tahaka ny nananganana ny lapan’ny tanana ihany no hanamboarana ny kianja filalaovam-baolina sy ireo lalana mampita ny fokontany miisa 14 ao amin’ny kaominina Imerintsiatosika. Continuer la lecture
FANDRAHARAHANA: Tsy sakana ny fahasembanana
Anterivava : Vola Rabearivelo
Vehivavy moana marenina iray manao fianarana asa momba “PAO” ao amin’ny orinasa Telma. “Tsy manakana ny olona hiditra amin’ny sehatry ny asa ny fahasembanana misy eo aminy. Continuer la lecture
MPANAO KUNG-FU WISA: Anarivony hanohana an’i Hery Rajaonarimampianina
Nitohy tao an-tampon-tanàna an’Antsirabe ny fankalazana ny faha-38 taonan’ny kung-fu Wisa. Solontena 5000 isa no nanao hazakazaka rodobe nanodidina ny tanàna ny sabotsy 07 Aprily 2018. Nitarika ny hazakazaka i Grand Maitre Avoko sy ny federasiona Malagasy ny kung-fu Wisa. Continuer la lecture
Dr Quanbeck mianakavy : « Miverina amin’ny taniny ny Jiosy »
Tsy Jiosy tsy akory Dokotera Stanley Dwight Quanbeck fa Amerikana fotsy fiodirana. Olo-be, raiamandreny, sady olo-malaza teo anivon’ny Fiangonana Loterana Malagasy Dr Quanbeck. Izy no angady nananana sy vy nahitana (Pionnier) ny Sampan’Asa Loterana momba ny Fahasalamana (SALFA).
Anterivava : Dr Quanbeck
Olon-dehibe tsotra, manetritena. Tsy nofihininy ho azy samy irery ny fisalorana izany fiantsoana hoe “Pionnier” izany, fa mbola notsiahiviny ny tanan-kavanany niombon’antoka taminy tamy fanorenana sy fiterahana ny SALFA avy any an-karangana, dia Chef Andréas Richard. Hoy mantsy izy raha nandray fitenenana: “Hoatran’ny tao amin’ny Testamenta Taloha izahay sy Andréas ka izaho Mosesy, izy Arona”.
40 taona.
Hankalaza tsy ho ela ny faha-40 taona nijoroana ny SALFA. Ho fanatanterahana ny hevitry ny Komity Maharitry ny Synoda Lehibe (KMSL) tamin’ny 1979 no nanendren’ny FLM an’i Dr Quanbeck hanangana ny SALFA. Niainga tamina toerana fizaham-pahasalamana tanaty efitra roa tao amin’ny FLM 67ha ny SALFA ka ankehitriny dia nahavita an’io trano tsara bika eo Andohalo io. Manana toeram-pitsaboana sy hopitaly maro manerana ny Nosy koa ny SALFA, ary anisan’ireny ny any amy faritra Atsimo manontolo. Tsy hadinoin’i Dokotera mianakavy ny hitsidika an’i Ejeda sy Bezaha, izay nandaniany ny fahatanorany.
Fandraisana mendrika.
Lanonana ara-panahy tsotsotra sy mendrika no nandraisan’ny mpiara-miasa rehetra SALFA an’i Dr Quanbeck sy ny zanaka aman-jafiny ny zoma 6 aprily 2018. Taranaka fahatelo misionera niasa teto Madagasikara izy, ary ny raibeny avy amin’ny reniny dia Pastora milevina any Manasoa-Fanjahira Bezaha (Toliara). Tsy nahatana ranomaso ny lehilahy raha nampahatsiahy izany, ary tsaroany ireo anaram-bosotra niantsoana azy hoe Dokotera Marivoranomaso, sy ny hoe Dokotera Lesola. Nahatsikaiky ny filazany fa tsy mitsahatra mitombo ny fahasolany izy misotroronono sy mihoatra ny 80 taona izao.
Tsisy tsy nahalala an’i Dr Quanbeck izay nisera teo anivon’ny FLM. Mahafehy hatrany ny teny malagasy izy na dia 40 taona aty aoriana aza.
Anterivava : Chef Andréas Richard
Razaka Oliva


























