Archives mensuelles octobre 2025


STARTIMES: Mandeha manomboka ny 16 oktobra 2025 ny « Gangs of Manila », tantara mitohy filipiana nadika amin’ny teny malagasy


Anisany be mpanaraka amin’ny Startimes ny tantara mitohy amin’ny teny vahiny voadika amin’ny teny malagasy. Handeha manomboka ny alakamisy 16 oktobra 2025, ao amin’ny chaîne GASYSTAR ny « Gangs of Manila », « série » filipiana nadika amin’ny teny gasy. Mpandray anjara fototra amin’ity tantara mitohy ity i Coco Martin. Nampalaza azy ny anarana Cardo tamin’ny  série Brothers. Tangol kosa ny anarany amin’ity horonantsary vaovao ity.  Ao anatin’ny tontolon’ny “gangs” na andian-jiolahy ny anjara asa lalaoviny.

Ankoatra izany, handeha ao amin’ny UPTV ny tantara mitohy « Ma Vie Merveilleuse », vokatra « turque » mampifangaro ny tantaram-pitiavana, ny tantara mampalahelo sy ny tsiambaratelom-pianakaviana. Nadika amin’ny teny Malagasy ihany koa izy ity araka ny fampitam-baovao.

Ho fanamorana ny fahafahan’ny mpijery manaraka ireo vokatra iraisam-pirenena no tanjon’ny Startimes amin’ny fadikana ireo horonantsary vahiny amin’ny teny gasy.

Amin’ny lafiny fanatanjahantena, nanamafy i Randrianarivony Nantenaina, mpitarika ny ekipan’ny marketing sy serasera eo anivon’ny StarTimes Média Madagascar fa tsy diso anjara ny mpankafy baolina kitra. Mbola mitohy ny fitantarana amin’ny teny gasy ny fifaninanana Laliga.

Manentana ny mpanjifa na ity televiziona nomerika ity hanavao ny fandoavana  ny abonnement.  Manomboka amin’ny 14.000 Ariary dia afaka misitraka bouquet natao ho an’ny fianakaviana izay mandefa sarimihetsika, horonantsary mitohy, sary miaina sy fampitana mivantana ireo lalao ara-panatanjahantena.

Ra-Nirina