Catégorie Doka


Oniversité Ankatso: Lasa toeram-pitokonana


Nitokona androany ny mpiasan’ny sampandraharaha misahana ny tranon’ny mpianatra eny amin’ny onivesrsite an’ Antananrivo eny Ankatso II. Anton’izao fitokonana izao ny tsy mbola nahazon’izy ireo karama roa volana ankoatran’ity volana ity. Efa nifampiresaka tamin’ny tompon’andraikitra izy ireo saingy tsy afa-po tamin’ny valiteny azo. Nanakan-dalana sy nandoro kodiarana tamin’iny lalana nihazo ny tranon’ny mpianatra teny Ankatso II iny izy ireo ary nilaza ny tsy hiverina amin’ny asany raha tsy azo io karama takiana io. Nanampy ireo mpiasa nitokona ihany koa ny mpianatra sasany mipetraka eny Ankatso II noho ny tsy fisian’ny fikarakarana amin’ny tranon’izy ireo.

Oram-be teto an-dRenivohitra: olona telo no maty


Olona telo no voamarina hatramin’izao fa namoy ny ainy vokatry ny rotsak’orana omaly. Ny iray tototry ny tamboho teny Manakamabahiny izay tovovavy kely 14 taona, ny roa kosa nentin’ny rano teny Besarety. Alina ihany dia efa nalain’ny fianakaviany ny razan’ilay ramatoa hita teny Besarety. Androany kosa vao nalain’ny BMH ilay razan’ilay rangahy iray voalaza fa mpitsabo. Mbola nifanjevo tamin’ny fanalana rano tao anaty trano sy ny fivarotana hatrany ny mponina eny an-toerana tamin’ity anio ity hatramin’ny 10 ora maraina.

Tetik’asa Tatom: Gasy sy Japoney


Nampafantarina androany teny amin’ny ministeram-panjakana miandraikitra ny fiadidian’ny Repoblika, ny fanajariana ny tany ary ny fampitaovana teny Anosy ilay tetik’asa TATOM na AnTananarivo Toamasina. Tetik’asa momban’ny fanajariana ny tany hiarahan’ny mpitondra Malagasy sy ny JICA. Mitentina 3 tapitrisa Dollars ny fanantaterahana ity tetik’asa ity izay entina hanatsarana ny fifandraisan’ireo tanàn-dehibe roa ireo.
Anton’izany dia noho ny fisian’ny serana-tsambo lehibe ao Toamasina izay mampiakatra vokatra aty an-dRenivohitra ary koa ny fanatsarana ny fifandraisan’ireo tanàna roa ireo momban’ny fanajariana ny tany. Eo ihany koa ny fahaizan’ny Japoney mifehy ny fanajariana ny tany sy tanàn’dehibe ka hiandradranana vokatra tsara amin’izy ireo ny fanaovany izao tetik’asa izao. Ny faran’ny volana Desambra no hanomboka ny fitadiavana ny olona hanao ity asa lehibe ity raha amin’ny 2017 no hivoaka ny drafim-panajariana.

CENI: Miasa mafy, mahazo volabe…


 

Tsy mora ny asan’ny CENI na ilay vaomiera mahaleotena mikarakara ny fifidianana. Izany asa mafy izany (angamba) no handraisany karama be?

Filoha :  6 625 000 ariary, miampy fiara voavatsy lasantsy, trano fonenana, telephone sns…

Filoha lefitra : 5 950 000 ariary

Mpampaka-teny : 5 425 000 ariary
Ireo mpanolo-tsaina : 5.000.000 ariary

Fetin’ny Noely sy faran’ny taona: Hanampy betsaka amin’ny fiantsenana ny GBM


Tahaka ny isan- taona, andiany farany ao anatin’ny taona iray lalovany hanatanterahan’ny Madavision ny hetsika Grande braderie de Madagascar no natokana ho an’ny fetin’ny Noely sy ny faran’ny taona. Ny 18 hatramin’ny 22 desambra no hisian’io hetsika io etsy amin’ny lapan’ny kolontsaina sy ny fanatanjahan- tena Mahamasina. Trano eva maro no handray anjara, izay ahitàna ireo kojakoja maro samihafa ahafahana miatrika ny fety. Raha fehezina dia hanampy betsaka amin’ny fiantsenan’ny fianakaviana isanisany ity hetsika grande braderie de Madagascar andiany farany amin’ity taona ity.
Mipetraka hatrany ny fihenam- bidy 15% , izay nahazoana fanamarihana fa nanome fihenam- bidy mihoatra lavitra noho io napetraky ny mpikarakara io ny ankamaroan’ireo mpandray anjara farany teo. Hiavaka kosa ny fanentanana amin’ity satria hisy ny fampisehoana iarahana amin’ny DJ Gouty sy ny THT, ny toerana natokana hilalaovan’ny ankizy, ny fifaninanana samihafa azon’ny rehetra andraisana anjara, ary fampisehoana karazan- dihy malaza ho an’ny tanora.

Kaominin’i Toamasina- Renivohitra : Miady an-trano


Mpiasan’ny kaomina 12 tao Toamasina I no naratra mafy vokatry ny fifandonana nisy teo amin’ireo zatovo miara-dia amin’ny ben’ny tanàna omaly maraina. Vokatr’izany fifandonana izany dia maro ireo naratra tsy maintsy namonjy toeram-pitsaboana, nisy olona roa hafa ihany koa voalaza fa tsy hita nanjavonana taorian’ny fifandonana.
Anton’izao fifandonana izao dia noho ny tsy mbola fandoavana ny karaman’ireo mpiasa ka mahatonga ireo mpiasa mitokona, hoy hatrany ny fanazavan’ireo mpiasa. Misy ihany koa anefa ireo mpiasa izay niveriana miasa ao anatin’ny kaominina saingy ireo mpiasa manao ny taratasy momban’ny fahafatesana sy fisoratam-panambadiana no miasa. Efa milamina kosa amin’izao fotoana izao ny toe-draharaha. Ny mampametram-panontaniana ny maro dia nankaiza ny vola? Toa maneno sahona avokoa ny mpiasa rehetra manoloana ny volam-panjakana very an-javona. Sa dia samy mikepoka izay sendra azy?

Aide budgétaire à Madagascar : Un montant de 10 millions d’euros de la France


Conformément à la convention de 40 millions d’euros signée en novembre 2014 entre la République de Madagascar et la France via l’Agence Française de Développement, le dernier versement prévu dans la convention sera effectué en début de semaine prochaine. Il fait suite à un premier versement de 20 millions d’euros en début d’année et à un deuxième de 10 millions d’euros en septembre dernier. La France entend ainsi poursuivre son accompagnement des efforts entrepris par Madagascar.

nivazavaza aza ny vondrona Eraopeana


Motomaso (*) mitrebona akaikin’ny lava-piringa ka maniry ihany saingy mievoka rivotra maloto. Na nanao resaka aza ry ra-BAD, na nivazavaza aza ny vondrona Eraopeana, na nivonon-ko tompony aza ny taranaky ry Asterix, na hilaza lainga faha-zato amby arivo aza ny dadan’i Sarah dia tsy maintsy ho tompon’antoka amin’ny zavatra nolazainy hatrizay  Ra-Martiniiii  na ho aiza na ho aiza.

Azafady ry havako, fa raha misy ho kotsan’ny ranon’orana raha fahavaratra dia izay ratsy sarotro ihany. Raha misy ny ho petsan’ny  roran’adala dia izay mahanihany azy ihany no ho maimbo. Raha misy ny ho vakivaky tongotra dia izay sahy mandeha manitsy an-tanimbary.

Ankadinondry-Sakay : tonga ny herin’aratra


Notokanana omaly ny foibe famokarana herin’aratra ao Ankadinondry ka, ela ny ela, afaka hisitraka izany ny mponina. Hampivoatra ny andavanandronareo izany, hoy ny Filoha Rajaonarimampianina, indrindra fa afaka hitrandraka lalam-pihariana vaovao ihany koa ireo vahoaka miisa 51.000 mahery, amin’ny akohonana 5.000.

Nanambany ihany koa fa miroso any amin’ny fampiarahana ny milina nahazatra sy ny angovo tovozina avy amin’ny herin’ny masoandro koa isika ary efa manomboka ny asa fananganana ny foibe famokarana herin’aratra ao amin’ny tohadranon’ Ampitabepoaky, ao Bongolava, ho an’i Tsiroanimandidy sy ny manodidina.