Resy lahatra ny VTSR izany ivondronan’ny mpanao politika manohana sy manohitra ny fitondrana ary ny afovoany fa ahitana kolikoly avokoa ny ratsa-mangaikam-panjakana rehetra ka izany no mahatonga ny fitondram-panjakana tsy marin-toerana. Noho izany, mila esorina avokoa ireo manao ny tsy mety. Ny fanadiovana ny fitantanana ho fitondrana tsara tantana no tanjona eto.
Raha ny Filoham-pirenena (PRM) mihitsy no manao ny tsy mety? Namaly izany ny Vovonana Tsimialonjafy Miaro ny Soatoavina Repoblikana. “ Ny fiandrasana ny fifidianana no tokony atao fa tsy ny firosoana amin’ny fanakorontanana”, hoy i Olivier Landry RABE, mpanohana ny fitondrana. Ny famporisihana ny Filoham-pirenena hanadio ny manodidina azy hatrany asesiky VTSR satria mandala ny fifandimbiasam-pahefana ny vovonana. Na mpanohana na mpanohitra na afovoany mivondrona ao amin’ny VTSR dia samy manohana fa tsy ilaina firosoana amin’ny fanonganam-panjakana fa vao maika mitondra korontana.
Mahatsapa fa hanjakany ny kolikoly io fitondrana amin’izao fotoana izao io. Milaza fa tokony hoesorina ireo manao ny tsy mety. “Efa manomboka manadio izany ny PRM”. Fa raha izy kosa no manao ny tsy mety dia ny fifidianana ihany no afaka manaisotra azy fa tsy ilaina ny fanonganam-panjakana fa miteraka korontana sy fahapotehana. Fa tsy efa karazana fahapotehana ve fahantran’ny Malagasy amin’izao?
Nirina R.