Tontosaina nanomboka ny 13 oktobora 2022 ka hatramin’ny 16 okotobra 2022 eny amin’ny CCI Ivato ny « Salon international des acteurs économiques » na SIAE. Mpisehatra ara-toekarena miisa 200 no manao varotra fampirantiana eny an-toerana mandritra ny efatr’andro. « Misy amin’ireo mpandray anjara no avy any Mayotte, Dubai, Tanzanie, La Réunion ». Ho fampahafantarana ny vokatra na tolotra omen’ny mpandray anjara sy hampifandraisana ireo samy mpandraharaha na tompona orinasa no tanjon’ny hetsika. “ Ankoatra ny varotra fampirantiana dia hisy ny atrikasa hifandimbiasan’ny mpandray anjara izay miompana amin’ny torolalana atao ahafahana mamaly ny tolotra any ivelanyHh Ankoatra izany diaAnkk aa sy ny fihaonana BtoB hifandraisan’ireo samy mpandraharaha na mpitantana orinasa”, hoy Rasoamalala Bako, Talen’ny tetikasa SIAE. Voarakitra ao anatin’ny tranokalan’ny SIAE ny tolotra rehetra omen’ny mpandray anjara. « Izany no natao dia ahafahan’ny orinasa avy ivelany mitady fiarahamiasa”, hoy izy. Ny RIANO Agency sy ny federasionan’ny tranoben’ny varotra sy ny indostria eto Madagasikara (FCCIM) no miara-misalahy amin’ny fikarakarana ity hetsika iraisam-pirenana ho an’ny mpisehatra ara-toekarena ity.
Ra-Nirina