Socio-eco

MPIASAN’NY ORINASA AFAK’HABA: Mampidi-bola betsaka ao amin’ny kitapom-bolam-panjakana


Feno 20 taona ny vondron’ny orinasa afak’haba sy ireo mpiara-miombon’antoka aminy (GEFP). Nampahafantarina ny 28 martsa 2019 teny amin’ny Ibis Ankorondrano ny fankalazana izany. Nanatrika ny lanonana ny Praiminisitra Ntsay Christian, ny ministry ny indostria sy ny varotra ary ny asa tanana, Rakotomalala Lantosoa. Teny filamatry ny GEFP ny “Fampiasana ny fahaiza-manaon’ny Malagasy eo amin’ny tsena iraisam-pirenena”. Sehatra maro no hiasan’ireo orinasa mivondrona ao aminy ka ao anatin’izany ny ny sehatry ny lamba, informatika, ny ny fanodinana ny vokatry ny fambolena (agro-industrie).

Anisany mampiroborobo ny toekarena sy ny famoronana asa eto Madagasikara ny orinasa afak’haba (zone franche). Nambaran’ny filohan’ny GEFP, Rakotoarisoa Hery Lanto fa mitàna ny laharana faha-telo mampiditra vola vahiny eto Madagasikara, mampiasa olona be indrindra ny orinasa afak’haba. Nilaza ihany koa izy fa ny mpiasan’ny “zone franche” no mandoa hetra betsaka ao amin’ny kitapom-bolam-panjakana. Noho izany, misy fanantenana betsaka raha manaraka ny tontolo ny fandraharahana ny hitaran’ny orinasa afak’haba satria betsaka ny zavatra azo eritreretina ahafahana mamorona asa eto Madagasikara, hoy hatrany ny filohan’ny GEFP. Efa miroso amin’ny fanadiovana ireo orinasa mitonona ho afak’haba kanefa zavatra hafa no atao ny ministera tomponandraikitra.

Lynda A.


Laisser un commentaire

Votre adresse e-mail ne sera pas publiée. Les champs obligatoires sont indiqués avec *