Mitombo hatrany ny hatsaran’ny kalitaon’ny tolotra omen’ny FTHM Consulting ny mpanjifa sy ireo mpiara-miasa akaiky aminy. Nahazo ny fanamarinana « certification » ISO 9001 :2015 ity « cabinet de conseil » ity. « Manamafy  andraikitra  sahaninay ny fahazoana ny fanamarinana  ISO 9001:2015. Miha manara-penitra ny kalitaon’ny fitantanana mba hanomezana antoka ny mpanjifa sy ireo mpiara-miombona antoka »,  hoy i Thierry RAJAONA, avy ao amin’ny FTHM, nandritra ny valan-dresaka natao tamin’ny mpanao gazety, ny 11 desambra 2017.
Tombony ho any FTHM ny fahazoana « certification » satria manaraka ny fenitry iraisam-pirenena. Mihazona hatrany  kalitaon’ny raharaha sahanina. Dingana hirosoana eo amin’ny asa  matihanina  ihany koa ny fahazoana ny ISO 9001:2015.
Ankoatra ny fizarana fanamarinana an’ireo orinasa miara-miasa amin’ny FTHM toy ny « cabinet d’expertise comptable Qualex », « cabinet spécialisé en Ressources Humaines Equation », nofaranana tamin’ny fizarana ny « certification SGS » ny fihaonana tamin’ny mpanao gazety.
Fanamby ho an’ny FTHM ny ho lasa orinasa fitaratra eto Afrika.
Nirina R.