Nifanojo ny fanapahankevitry ny  maro an’isa amin’ireo ben’ny tanà na ao amin’ny distrika an’Ambohidratrimo sy ireo vahoaka avy amin’ireo kaominina 24 mandrafitra ny distrika fa hanolotra an-dRabemihoatra Mino Mbolatiana ho kandidà amin’ny fifidianana solombavambahoaka ny 27 mey 2019. Tafapetraka soamantsara omaly 12 martsa 2019, teny amin’ny OVEC Ambohidratrimo ny antontan-taratasy rehetra momba ny filatsahan-ko fidian’ity kandidà ity. Ben’ny tanà na an’Ambohitrimanjaka Rabemihoatra Mino talohan’izy kandidà . « Maro tamin’ireo ben’ny tanà na mivondrona ao amin’ny fikambanan’ny ben’ny tanà na ao amin’ny distrika an’Ambohidratrimo no nanapakevitra hanolotra kandidà satria tsy dia hitan-dry zareo firy ny fiarahamiasa tamin’ny solombavambahoaka lany teo aloha solombavambahoaka, dia ny niresaka tamiko izy ireo », hoy ny kandidà solombavambahoakan’ny distrika an’Ambohidratrimo, Rabemihoatra Mino Mbolatiana.
Nilaza ihany koa ireo solontenan’ny mponina avy amin’ireo kaominina Mahereza, Ambohitrimanjaka, Ampangabe, Fiadanana fa lasa faralahin’asa amin’ny fampandrosoana ny kaominina misy azy ireo hatramin’izay. « Izany indrindra no antony hanohananay ny kandidà Rabemihoatra Mino satria izy no hantenainay hitondra ny hetahetanay », hoy ny solontenan’ny mponina. Namafisin-dRazanamparany Victor na Dadatoa Tor, mpiray lisitra amin’ity kandià ity fa afaka hitondra ny hetahetan’ny vahoaka amin’ny alalan’ny lalà na ny kandidà tohanany. Mampahafantatra sahady ny vahoakan’ny distrika an’Ambohidratrimo ny kandidà Rabemihoatra Mino fa hametraka birao manerana ny kaominina mba ahafahana mifanerasera akaiky amin’izy ireo rehefa lany solombavambahoaka.
Lynda A.