Nisafidy ny hanohana ny kandida Andry Rajoelina i Joseph Martin Randriamampionona na i dadafara. Raha toa ka niparitaka tany amin’ny tambazotran-tserasera “facebook” ny sariny niresaka tamin’i Marc Ravalomanana dia mifanohitra amin’izany ny zava-mitranga. Nanao fanambarana ny birao nasionaly ny antoko “refondation totale de Madagascar” (RTM) izay tarihiny androany 3 desambra 2018. “ Samy nihaona tamin’ireo kandida roa hifaninana amin’ny fifidianana filoham-pirenena fihodinana faharoa ny tenako. Nifanakalo hevitra tamin’i Andry Rajoelina nandritra ora roa aho ary tsapako fa olona mahay mihaino izy”, hoy i dadafara. Nilaza ihany koa izy fa nifanakalo hevitra tamin’ny kandida Marc Ravalomanana teny amin’ny QG-ny saingy roa minitra monja ny faharetany ny resaka ary tsy mbola nisy ny fanapaha-kevitra hanohana ity kandida ity dia efa niparitaka tao amin’ny “facebook” ny sary.
Tapaky ny birao nasionaly ny RTM fa ny kandida Andry Rajoelina no hotohanan’ny antoko. Nanamafy i dadafara nametraka fepetra tamin’i Andry Rajoelina. Ao anatin’izany ny fitanana ny teny nomena sy ny fisian’ny asa mivaingana. “Hiara-hiasa akaiky izahay rehefa tonga eo amin’ny fitondrana ary hanolo-tsaina azy aho”, hoy i dadafara.
Lynda A.
Fanapahan-kevitra hendry sy tsara.
Pingback: JOSEPH RANDRIAMAMPIONONA (DADAFARA) : Mifanohitra amin’ny sary niparitaka ny fanapaha-keviny - ewa.mg