Manomboka tsy manaiky izay atolotra azy fotsiny ny olompirenena eto amintsika. Raikitra ny fifanentanana isan-karazany fa tsy mahasoa ary tsy ilaina akory ny fifampiarahabana fanao isan-taona fanaon’ny andrim-panjakana isan-tsokajiny eto amintsika.
Andian’olona hatrany amin’ny 1.500 (dimanjato sy arivo) no hiaka-dapa ka hitavana sy hisotro amin’io fotoana io. Tsy maintsy hotely avo dia avo amin’ny halafon-tsakafo ihany koa no hiasa eny.
Miitatra ny resaka ka tonga any amin’ny hoe: Tokony ajanona daholo mihitsy ny fifampiarahabana isaky ny ministera isan-tokony hoy ity hetsiky ny olompirenena ity. Hanana havaly ve ny eo anivon’ny mpikarakara ny fifampiarahabana sa dia hanao rodobe toy ilay tamin’ny fivahinianana tamin’ny COP 21 tany Paris indray?