Hankalazaina isaky ny 26 janoary ny andro manerantany ho an’ny fadintseranana ka ny “organisation mondiale des douanes” no mikarakara izany. Continuer la lecture
Catégorie Socio-eco
MPONIN’I BONGATSARA: Nivadika foto-drafitr’asa ny hetra naloany
Nanamarika ny taona 2018 ny kaominina ambanivohitr’i Bongatsara ny fanamboarana foto-drafitr’asa. Ao ireo foto-drafitr’asa efa vita, ao ihany koa ireo an-dalam-panokanana. Vita « pavé » tamin’iny taona lasa iny ny lalana mirefy roa kilometatra ao Ambohipiadanana, fokontany Antsahabe ary ny lalana ao Angodongodona fokontany Ambohibao mirefy iray kilometatra sasany. Nasiam-panamboarana ihany koa ny tetezan-kazo ao Angodongodona ka lasa « béton » izy amin’izao fotoana izao. Ankoatra izany, namboarina ny biraom-pokontany ao Ambohibao. Tsy azo adinoina fa nipetraka ho tantara ny hôpitaly fandidiana vaovao amin’ny kaominina Bongatsara izay notokanana tamin’ny fomba manetriketrika ny volana aogositra 2018.
Tsy mandeha lavitra intsony ny mponina sy ny manodidina satria hita ao ny fandraisana sy fikarakarana ny vonjy taitra (Accueil-Triage-Urgences), ny fitsaboana ny aretina ankapobeny (Médecine générale), ny fandidiana ankapobeny (Chirurgie générale), ny « opération césarienne » ho an’ny vehivavy hiteraka. Ahitana toeram-pivarotam-panafody sy « laboratoire » ihany koa. Eo an-dalam-panokanana kosa ny « complexe » amin’ny CEG Amboanjombe izay ahafahana milalao « tennis de table », araka ny fanazavan’ny ben’ny tanàna ny kaominina Bongatsara, Hanta Rabearisoa. Ireo foto-drafitr’asa ireo no vita dia tao ny fandraisan’anjaran’ny mponina tamin’ny alalan’ny fampidiran-ketra. « Manomboka mazoto ny mponina mandoa hetra », hoy ny ben’ny tanàna. Misedra olana anefa ny kaominina Bongatsara amin’izao fotoana izao. Nambaran’ny ben’ny tanàna sy ny lehiben’ny fokontany ao Ambohibao fa mirongatra indray ny hala-botry sy ny vaky trano ary ny halatra taolam-paty.
Lynda A.
Sary
FIRONGATRY TSY FANDRIAM-PAHALEMANA: Ilaina ny « fari-bohitra »
Hetahetan’ny sefom-pokontany ao Ambohibao, kaominina Bongatsara Radimy Andriamparany Jeannot ny fametrahana ny « fari-bohitra ». Continuer la lecture
FIHOTSAHAN’NY RARIVATO TENY TSIMIALONJAFY: Misy hifandraisany amin’ny tafondro ve ?
Indro ny antso avo nataon’i Joe Colombine Rasambaina, mponina eny ambanin’Ampamarinana manoloana ny fihotsahan’ny rarivato tao Tsimialonjafy, ambanin’Andohalo izay nahafaty olona 12: Continuer la lecture
KAOMININA MAHEREZA: Taonan’ny foto-drafitr’asa ny 2018
Vita tamin’iny taona 2018 iny ny lapan’ny tanàna vaovaon’ny kaominina Mahereza. Tsy latsa-danja amin’izany ny fahavitan’ny sekoly ho an’ny ankizy, hoy ny ben’ny tanànan’i Mahereza, RAKOTOARISOA Johnny. Continuer la lecture
TAHAM-PAMOKARANA VARY: Ny tarehimarika niavaka
Raha niompana tamin’ny fambolena tantanam-pianakaviana ny fampandrosoana ny tontolo ambanivohitra nandritra izay nahazoana ny fahaleovantena izay, niroso tamin’ny fampiroboroboana sehatra telo hafa ny ministeran’ny fambolena sy ny fiompiana (MINAE). Continuer la lecture
ONIVERSITE AZO ANTOKA: Isaky ny diplaoma amin’ny lalam-piofanana ny fankatoavana
Betsaka ny mpianatra eny amin’ny oniversite tsy miankina amin’ny fanjakana no diso fanantenana satria tsy manan-kery ny diplaoma azony. Continuer la lecture
KAOMININA AMPITATAFIKA: Ny mampandeha ny fampandrosoana
“Tsy maharitra iray volana akory ny fanampiana avy fanjakana kanefa misy 12 volana ny taona iray”, hoy ny ben’ny tanàna ny kaominina Ampitatafika, Rado Ramparaoelina. Nambarany fa miha sarotra ny fitantanana ny kaominina satria lasa handoavana ny karaman’ny mpiasa sy fampandehanan-draharaha sisa ny vola miditra amin’ny kaominina. Na dia eo aza izany, mahavita dingana amin’ny fampandrosoana ny tanàna ny kaominina fa tsy mijanona amin’ny fanatsarana ny fomba fiasa amin’ny lafiny fampandehanan-draharaha fotsiny.
Fanampiana
Raha atao ny jery todika tamin’ny taona 2018, nisy ny asa vita na dia nihena aza ny hetra niditra tamin’ny kitapom-bolan’ny kaominina noho ny antony maro samihafa. “Nalaina nandoa hetra ny mponina vao nanomboka ny vanim-potoanan’ny fampielezan-kevitra tamin’ny fifidianana filoham-pirenena. Tsy hay mihitsy ny antony”, hoy i Rado Ramparaoelina. Ankoatra izany, tsy tratra ny fanamby ny kaominina hahaleo tena ara-bola tamin’iny taona iny. Araka ny fanazavan’ny ben’ny tanàna an’Ampitatafika fa ny asa mandeha no nahafahana nanamboatra foto-drafitr’asa. Nanampy tamin’ny fampandrosoana ny kaominina ny PUD na “plan d’urbanisme détaillé” satria rehefa misy ny fividianana tanimbary dia mazava ho azy fa hisy ny fanotorana. Efa nalain’ny kaominina mialoha ny vola tokony aloa amin’ny fanotorana ny tany. Anisany nahafahan’ny kaominina nihetsika izany.
Asa vita
Raha tanisaina ny asa vitan’ny kaominina Ampitatafika tamin’ny taona 2018 dia ao anatin’izany ny fametrahana jiro an-dalam-be miisa 45, ny fanamboaran-dàlana eny anelanelan’ny fokontany izay mirefy efatra kilometatra, ny fanampiana ny efitranon-tsekoly, ny fanadiovana ny tatatra hiatrehana ny fahavaratra, ny fividianana “kubota” miisa roa sy cyclo-pousse miisa valo handraofana fako… Nilaza ihany koa ny ben’ny tanàna fa voaloa avokoa ny karaman’ny mpiasa sy ny volan’ny CNAPS. Tsy hisy olana ny fampandehana-draharaha ny kaominina mandritra ity taona 2019. Nividy tonner (encre) miisa 50 ny kaominina ka haharitra hatramin’ ny volana janoary 2020 izany. Marihina fa mbola mitohy amin’ity taona vaovao ity ny fanamby ny kaominina ambanivohitra Ampitatafika mba hahaleo tena ara-bola.
Lynda A.
AGENCE AMBININTSOA: Mpiasa an-trano 300 nahazo valisoa
Nampitoviana ny valisoa nomen’ny agence Ambinintsoa ireo mpanampy nahafeno herintaona tany amin’ny mpampiasa azy ho an’ny taona 2018. Continuer la lecture
FARITRA ANALAMANGA: Nitondra fanampiana ho an’ireo zaza nania
Efa mpiara-miasa akaiky amin’ny “aumônerie FJKM” ny faritra Analamanga ho fanampiana ireo marary any hopitaly, ireo ankizy taizana eny amin’ny toby fanabeazana… Continuer la lecture