Manome lanja ireo tanora tompona tetikasa (startup) miompana amin’ny fanodinana vokatra avy amin’ny fambolena, ny fiompiana sy ny jono ny Foire Internationale de l’Agriculture, de l’Elevage et de la Pêche (FIA), andiany fahafito. Nanomboka ny alakamisy 4 jona ny hetsika ka hatramin’ny alahady 7 septambra 2025, eny amin’ny CCI Ivato. Natambatra niaraka amin’ny FIA 2025 ny Festival International de la Gastronomie (FIG) andiany voalohany. Hita eny an-toerana avokoa ny rojo –pihariana amin’ny fambolena, ny fiompiana ary ny jono : manomboka any amin’ny famokarana ka hatramin’ny fanodinana azy ho lasa sakafo. Mandray anjara amin’ny FIA sy FIG ny Trophellia, orinasa mpamokatra divay vita avy amin’ny rotra (jamblon), voajabo (pastèque), mokonazy, paoma, goavitsinahy, voaroihazo, fraise.
Niainga tamin’ny fikarohana nataon’i Miarantsoa Tinah, “génie des procédés chimiques et Industriels” nivoaka teny amin’ny Ecole Supérieure Polytechnique d’Antananarivo (ESPA) eny Vontovorona izay nanaovany thèse de doctorat, ny taona 2021-2022 ny famokarana ireto divay ireto. “ Ny rotra no nanaovany fikarohana ho lasa divay ka tafavoakany ilay izy. Ny taona 2023 dia nanomboka namokatra divay ho amidy izahay. Teo no niforona ny orinasa Trophellia. Ny divay rotra no natao tamin’ny volaohany fa nitohy ny fikarohana dia efa mamokatra divay karazany fito izahay amin’izao: divay rotra (mena) , divay paoma (fotsy), divay voajabo( fotsy), divay goavitsinahy (mena)…”, hoy i Raharimanitra Corali, tomponandraikitra ara-barotra ao amin’ny Trophellia.
Mety an’ny olona rehetra sy mitondra vokatsoa amin’ny fahasalamana
Nambaran’i Raharimanitra fa natao ho an’ny olona rehetra ny divay vokarin’izy ireo. “Tanora no namorona ireto divay ireto. Niezaka namorona divay azo sotroin’ny rehetra izy. Samy manana ny fahasalaman’ny olona: misy olona misy tosidrà tsy mahazaka divay, misy ihany koa no tsy mahazaka fermentation voaloboka. Araka ny fanamarihana avy mpanjifanay dia tsy mahazaka zavatra fermenté izy kanefa nisotro divay rotra fa tsy maninona. Lasa mpivarotra ny vokatranay izy amin’ziao, any Fort-Dauphin”, hoy izy.
Nanamafy Raharimanitra fa noezahana notazomina ny zavatsoa entin’ireo voankazo ahdina ho divay. “Manankarena vitamin C, antioxydant ohatra ny fraise. Manankarena vitamine sy mineraly ho an’ny taolana ary manampy amin’ny fandevonan-kanina ny voajabo. Miaro amin’ny diabeta ny rotra, antioxydant, azo sotroina amin’ny fotoana ny divay rotra”. 20.000 Ariary ny vin’ireo karazana divay ireo.
Eo ambany fiahian’ny Ministeran’ny fambolena sy ny fiompiana ary ny Ministeran’ny jono sy ny toekarena manga ny FIA 2025. Ny Mada Vision no mikarakara azy.
Ra-Nirina



