Hiditra ao Antalaha anio ny rivo-doza ENAWO. Ny 8 sy ny 9 martsa kosa izy no vinavinaina handalo eto Antananarivo. Araka ny fanazavan’ny sampana mpamatra ny toetra andro Malagasy, anisany rivo-doza mahery i ENAWO.Ho an’ny BNGRC, sampandraharaha misahana ny fitantanana ny loza voajanahary sy ny fiantraikany izany dia efa nisy ekipa nalefa any amin’ny faritra avaratry ny Nosy hanampy ny mponina miaraka amin’ny sampana vonjy taitra, ny mpitandro ny filaminana, ny ratsa-mangaika rehetra ary ireo mpiara miombona antoka amin’ny fiatrehana ny loza sy izay mety ho fiantraikany. Torak’izay ihany koa ny eto afovoan-tany. Efa vonona ireo ekipa ireo.
Anterivava : Thierry VENTY
Nisy mihitsy ny fivoriana niarahan’ireo mpiara-miombona antoka amin’ny BNGRC androany ho fanamafisana ny paika ady rehetra efa voafaritra hatramin’izay. Nambaran’ny Sekretera Mpanatanteraka, Thierry VENTY fa izy ireo no tena manampy amin’ny fitaovana ilaina rehefa tojo loza voajanahary. Tsy manana teti-bola goavana natokana ho an’izany ny BNGRC fa ny fandoavana ny karaman’ny mpiasa sy ny fanentanana ny olona no eo am-pelantanany.
Nirina R.