Ho ampahafantarina eny amin’ny Lapan’ny kolontsaina sy ny fanatanjahantena Mahamasina androany 18 novambra 2017 ny momba ny sakafo azo antoka sy ara-pahasalamana. Trano heva isan-karazany hanampy ny mpitsidika hahalala ny fenitra takiana manomboka amin’ny fitehirizana, ny fanodinana ny vokatra ho lasa sakafo… Tanjona eto ny hisorohana ny fanapoizinana ara-tsakafo.
Mahazo fanamarinana momba ny sakafo azo jifaina na “certificat de consommabilité” ny vokatra manaraka ny fenitra takiana. Ny sampandraharaha misahana ny fitsirihana ny antoka ara- pahasalamana sy ny kalitaon’ny sakafo no manome izany. “Tokony mahazo fahazoan-dalana certificat de consommabilite avy amin’ny ministera aloha vao manaparitaka izany eto amin’ny tsena anatiny”, hoy ny Tale misahana misahana fitsirihana ny antoka ara- pahasalamana sy ny kalitaon’ny sakafo, Joely Nirina RAKOTOVAO RAVAHATRA.
Marihina fa efa nanomboka ny 17 novambra 2017 ny hetsika.
Nirina R.