mpanao gazety vehivavy Socio-eco

MPANAO GAZETY VEHIVAVY: Hanao fihaonam-be


Hanamarika ny fetin’ny 8 martsa ny vehivavy mpanao gazety Malagasy . Eny amin’ny dobo filomanosana « complexe Ampefiloha » no hiara-hankalaza ny andro iraisam-pirenena ho an’ny vehivavy izy ireo. Sambany teo amin’ny tantaran’ny asa fanaovan-gazety ity fihaonana ity satria voalohany amin’izao ireo andriambavilanitra mpanao gazety no hivondrona amin’ny toerana iray. « Efa misaotra sahady ny mpanohana ny hetsika  toy ny ministeran’ny tanora sy ny fanatajahantena, ny akademia nasionalin’ny fanatanjahantena, ny Sipromad, ny Star izahay mpikarakara”. Aorian’ny fiaraha-mifaly izay atao ny alakamisy 08 martsa 2018 manomboka amin’ny 10 ora maraina ka hatramin’ny 4 ora hariva, tanjona ny hananganana fikambanana ara-dalana ho an’ny vehivavy mpanao gazety eto Madagasikara.
Fampiroboroboana
Niainga tamin’ny fampivondronana ireo vehivavy mpanao gazety manana kaonty “facebook” ho ao anaty “groupe” izao hetsika izao. “ Femmes journalistes de Madagascar” ny anaran’ny “groupe” ao amin’ny “facebook”. Efa 220 ny mpikambana ao amin’izao fotoana izao ary mpanao gazety misandrahaka manerana ny faritra. « Sehatra iray hampiroboroboana azy ireo amin’ny sehatry asa fanaovan-gazety izy ity ». Manentana ireo mbola tsy mpikambana hiditra ao anatin’izany.
Lynda A.


Laisser un commentaire

Votre adresse de messagerie ne sera pas publiée. Les champs obligatoires sont indiqués avec *