orange Archives | déliremadagascar

TARIKA ‘ZAY : Manome fotoana ny mpankafy ny 1 desambra 2019

R Nirina — Sat, 23 Nov 2019 14:03:29 +0000

Fanomezana fahafaham-po. Isaky ny herintaona sy tapany ny tarika ‘Zay no manao fampisehoana, araka ny fanazavan’ny lehiben’ny departemantan’ny serasera eo anivon’ny Orange Madagascar nandritra ny tafa ho an’ny mpanao omaly 22 novambra 2019, niresahana ny fampisehoana karakarain’ny Ivenco. Hanao fampisehoana adiny telo tsy an-kiato amin’ny 1 desambra 2019 amin’ny 3 ora sy ny 23 minitra ao amin’ny Lapan’ny fanatanjahantena Mahamasina ny tarika ‘Zay. 23 taona niakarana an-tsehatra ny tarika ka hohirain’i Nary sy Malala ireo hira nahafantarana azy ireo sy be mpankafy indrindra toy ny manahirana, tsy miova , anontanio azy, tsy andriko. Mazava ho azy fa hikalo ireo hira vaovao ihany koa izy ireo toy ny tsy ho voavaliko sy ny maro hafa. Nambaran’i Malala fa amidy 15.000 Ariary amin’ny andron’ny fampisehoana ny “album” vaovao. Ankoatra izany, mpikarakara hetsika ara-java-kanto matihanina ny Ivenco ka hampiavaka ny fety hiarahana amin’ny tarika ‘Zay ireo fitaovana raitra sy hiaka farany ho ampiasaina amin’io fotoana io.

Amin’ny maha orinasa mandray anjara mavitrika amin’ny fampiroboroboana ny zava-kanto sy ny kolontsaina eto Madagasikara an’i Orange, Star, Mass’In sy ny maro hafa tsy voatanisa dia manampy ny Ivenco izy ireo amin’ny fikarakarana ity fampisehoana ity. Nohamafisin’i Ranaivoson Valérie fa manana ny mpankafy azy ny tarika ‘Zay ka hanome fahafaham-po ho azy ireo ny Orange. Noho izany, hisy ny lalao sy fanentanana hoy izy mialohan’ny fampisehoana. Amidy eny amin’ny La City Ivandry sy Nect’Art Ankaditapaka ny tapakila tsotra (10.000 Ariary), ny famandrihan-toerana (20.000 Ariary) ary ny VIP (50.000 Ariary)

Nirina R.

L’article TARIKA ‘ZAY : Manome fotoana ny mpankafy ny 1 desambra 2019 est apparu en premier sur déliremadagascar.

SUPERCODEURS: Sady vita ny vakansy no mitombo ny fahalalana momba ny teknolojia

R Nirina — Fri, 16 Aug 2019 12:08:02 +0000

Efa miditra tsikelikely ao anatin’ny fotoam-pialantsasatra ny mpianatra amin’izao fotoana izao. Marobe ireo fandaharan’asa entina hanampiana ireo ankizy sy tanora amin’ity vakansy ity ka anisan’izany ny “SuperCodeurs”. Programan’asan’ny orinasam-pifandraisan-davitra Orange Madagasikara ho an’ny tanora zazavavy sy zazalahy 9 ka hatramin’ny 14 taona izy ity. Nampahafantarina tamin’ny fomba ofisialy nandritra ny andro natokana ho an’ny “TICE” (Technologie d’Information et de Communication pour l’Education) nokarakarain’ny ministeran’ny fanabeazam-pirenena tamin’ny alalan’ny CISCO Antananarivo niaraka tamin’ny Orange sy ny fikambanana Techzara, ny 14 aogositra 2019 teny amin’ny lisea Jean Joseph Rabearivelo Analakely ny fandaharam-potoana momba izany. Nomarihan’ny mpikarakara fa mpianatra avy amin’ny sekoly miankina amin’ny fanjakana sy tsy miankina 60 isa nitombo fahalalana noho ireo atrik’asa maro momba ny “programmation informatique” nandritra ny andro ho an’ny “TICE” andiany fahatelo.

Ny 14 aogositra ka hatramin’ny faran’ny volana oktobra 2019 ny andiany manaraka amin’ny vakansy “Supercodeurs”. Noho ny fiaraha-miasa amin’ny ministeran’ny paositra, ny fifandraisan-davitra sy ny fampivoarana ny haitao ara-kajy mirindra dia handalo amin’ireo kartie maro eto Antananarivo renivohitra sy ny manodidina ny TicBus hampianatra ireo fototry ny “coding”. Zava-kendren’ny tetikasa ny hambolena toe-tsaina tia mamorona sy hahatsapan’ny tanora ny maha zava-dehibe ny fahaizana miara-miasa sy hamohazana sahady ny talentan’ireo ankizy amin’ny alalan’ny fahafantarana ny tontolon’ny nomerika.

Nirina R.

L’article SUPERCODEURS: Sady vita ny vakansy no mitombo ny fahalalana momba ny teknolojia est apparu en premier sur déliremadagascar.