Tsangam-bato faha-100 taona nahaterahan’ny Mopera Antoine de Padoue RAHAJARIZAFY ny boky vaovao “Ny fanahy no olona, un prêtre, un oeuvre”. Voarakitra ao anatin’io boky io ny fahitan’ireo olona nifanerasera taminy nandritra ny fahavelomany. Amin’ny maha mpanoratra an’ny mopera RAHAJARIZAFY, nivoy kolontsaina maha Malagasy ny tenany. Nambaran’ny mopera Fulgence RATSIMBAZAFY fa ray mpampianatra izy nandritra ny fahavelomany ary tsy mba nanery na iza na iza hanaraka izay lazainy fa nanome safidy malalaka hatrany. Tsy tamin’ny endrika ivelany ihany no nampisehoany ny tena maha kristianina azy fa nasehony tamin’alalan’ny asa sorany ihany koa izany. “Hainy ny nampifandray ny maha Malagasy sy ny fivavahana kristianina”, hoy ny mopera Bethaz Guistino.
Modely
Apostoly tao amin’ny ny fikambanan’i jesoa eto Madagasikara i Antoine de Padoue RAHAJARIZAFY. Araka ny fanazavan’ny mopera Fulgence nandritra ny fampahafantarana ny boky mirakitra ny fijoroana vavolombelona nataon’ireo nifanerasera tamin’ny mopera RAHAJARIZAFY fa namaky lay ny rafitra fitantanana ny fikambanana izy satria Relijiozy nisantatra ny rafitra provinsialy an’i Madagasikara. Nametraka tantara ho an’ny firenena Malagasy ny mpanoratra Antoine De Padoue. Voarakitra ao anatin’ny boky “Ny fanahy no olona, un prêtre, un oeuvre” ny mombamomba izany. Nanamafy ny mopera Fulgence RATSIMBAZAFY fa very ny hasiny maha Malagasy. Tsy manana olona alain-tahaka ny tanora satria tsy manome modely tsara ho azy ireo ny mpitondra.
Nirina R.