“Fototra hitsinjovana ny ho avy ny lasa”. Mamolavola olom-pirenena mandray andraikitry ny vanona sy famakafakana ny tantara ekonomika nisy teto Madagasikara nanomboka ny taona 2016 no mankaty. Voarakitra ao anatin’ny boky mivoaka isam-potoana (revue), laharana faha-78 ny famelaberan-kevitra sy latabatra boribory notontosaina nandritra ny fampirantiana nokarakarain’ny FTHM Consulting ny 24 ka hatramin’ny 30 oktobra 2017 teny amin’ny Alliance Française Andavamamba. Nahomby ny hetsika satria 4500 nitsidika ny hetsika. Olona zato isan’andro nandray anjara tamin’ny ady hevitra sy ny latabatra boribory tao anatin’ny fito andro.
Nolazaina nandritra ny fampahafantarana ity “revue juridique MCI” ity sahady fampirantiana andiany manaraka izay atao amin’ny oktobra 2018. Araka ny fanazavana, ao anatin’ny fiarahamiasa amin’ny departemanta ekonomia ao amin’ny fakiolte ny DEGS, oniversite Antananarivo sy ny “cabinet de conseil FTHM” izany. Mitaky famakafakana marolafy amin’ ireo sehatra fototra mampiroborobo ny toe-karena ny fampandrosoana ny firenena Malagasy.
Mirakitra lohahevitra maro samihafa toy ny politika fampiasana ny vola amin’ny fampandrosoana ny sehatry ny fambolena, ny maha zava-dehibe ny fivoaran’ny sehatry ny indostria amin’ny toe-karena Malagasy, ny politikan’ny ekonomia teto Madagasikara… ny “revue” laharana faha-78.
Hanampy ny Malagasy ahafantatra ny lasany sy ny andraikitra tokony ho raisiny ratsa-mangaika mpanapan-kevitra rehetra izy ity.
Nirina R.