Nampifandray ireo Malagasy mpitady ravinahitra manerana an’izao tontolo izao ny hetsika natao teny amin’ny Village Voara Andohatapenaka. Nifanakalo hevitra momba ny firaisankinam-pirenena, ny fampandrosoana, ny “business”… ny solontenan’ireo diaspora Malagasy avy amin’ny vazan-tany efatra sy ny ratsa-mangaika isan-tsokajiny avy eto an-toerana toy ny ministera, ny ambasadaoro, mpandraharaha, fikambanana, ONG…Nandritra ny telo andro, nifampizara ny traikefa hijerena ny ho avin’ny zanaka Malagasy mipetraka eto an-toerana sy any ivelany ny roa tonta.
Tanjona tamin’ity Forum andiany voalohany nokarakarain’ny Ministeran’ny raharaham-bahiny ity ny famolavolana politika nasionaly ho an’ny diaspora Malagasy.
Ankoatra ny hetsika fanomezan-dra, fambolen-kazo, fametrahana toerana hamoronana orinasa ao amin’ny Village Voara sy fanavaozana ny pasipaoro, nahasarika mpitsidika maro ny fampirantiana tamin’ny alalan’ny trano heva isan-karazany.
Teo ambany fiahian’ny Filoham-pirenena Malagasy, Hery RAJAONARIMAMPIANINA ny “Forum de la Diaspora Malagasy” izay notontosaina ny 26 ka hatramin’ny 28 oktobra 2017.
Nirina R.