Catégorie Socio-eco



SALON DES ETUDES INTERNATIONALES: Ny fomba hahazoana diplaoma any ivelany kanefa mijanona eto Madagasikara


Fampahafantarana ho an’ireo tsy mahalala. Efa marobe ireo mpianatra nahita tombontsoa tamin’ny «Salon des études internationales» ary efa nahavita ny fianarany ambaratonga ambony tany ivelany. Manomboka androany 05 martsa ary hifarana rahampitso 06 martsa 2020 ny andiany faha-11 amin’ity hetsika karakarain’ny Mada Jeune ity ary niova kely ny toerana satria eny amin’ny Novotel Convention Alarobia. Continuer la lecture


JIRAMA: Madio ny rano atolotra ny mpanjifa


Manoloana ny filazana an-gazety, nivoaka androany 27 febroary 2020, izay milaza fa tsy azo sotroin’ny olombelona ny rano tsinjarainy, ny JIRAMA dia manohitra izany fanakorontanana saim-bahoaka izany ary manao izao fanambarana izao :
1- Manome antoka ny rano vokariny sy tsinjarainy hoan’ny mpanjifa ny JIRAMA.
2- Misy ny fangalana santionan’ny rano amin’ny toerana maromaro isan’andro (tobim-pamokaran-drano, tambazotra mpitsinjara rano, robinets any an-tokantrano ary paompin-dranon’ny daholobe).
3- Manana laboratoara fanaovana fitiliana « physico-chimiques » ny JIRAMA ao Mandroseza ary miara-miasa akaiky amin’ny Institut Pasteur de Madagascar amin’ny fanaovana fitiliana « bactériologique ».
4- Manaraka ny ambaratongam-panadiovana takian’ny fenitra iraisam-pirenena ny rano vokarin’ny JIRAMA manerana ny nosy (décrets n°2003-941 et n°2004-635) ary manaja ireo fenitra napetraky ny OMS.
Tsara ny manamarika fa ny fangalana santionan-drano hanamarinana ny fahadiovany dia mitaky fanajana fepetra entitra ary tsy maintsy olona manam-pahaizana no manatanteraka azy, mba hisorohana ny fandotoana tsy nahy izany santionan-drano izany.
Antitranterina ny mpanjifa fa raha misy tranga fiatoan’ny famatsiana rano dia mety hiova ny endriky ny rano. Entanina ny rehetra handefa ny robinet mandritra ny minitra maromaro mialoha ny hampiasana ny rano.
Raha misy tranga mampiahiahy, ny JIRAMA dia miantso ny mpanjifa hampandre avy hatrany hahafahana manao ny fanamarinana rehetra.
Fampitam-baovaon’ny JIRAMA OFISIALY
——————————————————————————

OPERATIONS SMILE : Hahazo fandidiana maimaim-poana ireo ankizy sahirana


 Teloambinifolo taona izao no nisian’ny OPERATION SMILE, izay nanomboka ny taona 2007 ary ny STAR no nanohana azy.

Tsy nitsahatra ny nanatona ireo mpiara-belona ihany koa ny OPERATION SMILE mba ahafahana mitsabo maimaim-poana ireo olona misy fahasembanana. Raha ny fantatra dia zaza iray teraka miaraka amin’ny fahasembanana eo amin’ny vava isaky ny telo minitra no misy maneran-tany.

Continuer la lecture